വിദ്യാലയ രാഷ്ട്രീയം

സരസ്വതീദേവിതന്‍ ക്ഷേത്രം
കടാക്ഷമായി നില്‍ക്കവേ
ദേവിതന്‍ പാദസ്പര്‍ശനമേല്‍ക്കും
വിദ്യാലയമിതുതന്നല്ലയോ?

ആശാനൊന്നു പിഴച്ചാ-
ലമ്പത്തൊന്നു പിഴയ്‍ക്കും ശിഷ്യ-
നൊന്നോര്‍ക്കുമീ ചൊല്ലന്വര്‍ത്ഥമാക്കും
വിദ്യാലയരാഷ്ട്രീയമിതെന്തിനോ?

സവിശേഷമാം രാജ്യഭരണം
കയ്യാളുവാന്‍ വെമ്പുന്നോ-
രീ ജനഹസ്തങ്ങളിലെന്തിനേല്‍പ്പിച്ചൂ
കൊടിയും സമരവുമായുള്ളോരായുധങ്ങള്‍

ദൈവതുല്യം നോക്കിക്കാണുന്നോ-
രെന്‍ ഗുരുനാഥന്മാര്‍ തന്‍ ചെയ്തികള്‍
ചോദ്യങ്ങളാക്കും ശിഷ്യഗണത്തി-
നതിശയോക്തിയിന്നൊട്ടുമില്ല

മടുത്തില്ലേ ജയിച്ചിടാത്തൊരീ
രാഷ്ട്രീയ ചതുരംഗമിന്നേരവും
വിളിച്ചോതാം നമുക്കൊന്നായ്
ദേവിതന്‍ കൃപാകടാക്ഷത്തിനായ്